बुधबार , मंग्सिर १५, २०७८

एमसीसी राष्ट्रको हितमा छ, तत्काल पास गर्नुपर्छः डा. गान्धी पण्डित

मंग्सिर ७, २०७८ मंगलबार 25

काठमाडौं। बरिष्ठ अधिवक्ता प्रा.डा. गान्धी पण्डितले अमेरिकी सहयोग सम्झौता (एमसीसी) राष्ट्रघाती नभएको भन्दै यसलाई तत्काल संसद्बाट पारित गर्नुपर्ने बताएका छन् ।

उनले आफूले सम्झौताको प्रत्येक दफाको अध्ययन गरेको भन्दै सम्झौता नेपालको हितमा रहेको सुनाए ।

उनले भने,‘म एमसीसीको पक्षमा पनि छैनु, विपक्षमा पनि छैन्, तर मैले यो एमसीसी सम्झौताको दफा पढेको छु, दफाले जे भन्छ, त्यही भन्छ ।

यो सम्झौता चाहीँ राष्ट्रघाती छैन् । एमसीसी सदनबाट पारित गर्नुपर्छ ।’ हिजो राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् ।

उनले एमसीसी पारित हुँदैमा अमेरिकी सेना नआउने पनि दाबी गरे । उनले भने,‘जनतालाई झुक्याएर राजनीति गर्नुहुँदैन् । यहाँ अमेरिकी सेना आउन पाउँदैन् ।

के भन्यो भने सम्झौताको २०।६ मा, यो अनुदानको पैसा लिएर त्यो पैसा चाहीँ मिलिटिरीलाई प्रयो गर्न पाइँदैन, अर्धसैनिकक बललाई प्रयोग गरियो भने अमेरिकाले फिर्ता लिन्छु भनेको छ ।

यो पैसाले हाम्रो पर्यावरण बिगार्ने काम गर्यो भने पनि पैसा फिर्ता लिन्छु भनेको छ । कहाँ सैनिक आयो ?
दैनिक न्युज नेपाल बाट

प्रतिकृया दिनुहोस्