बुधबार , मंग्सिर १५, २०७८

५० लाखमा यस्तो बन्यो एमाले दशौं महाधिवेशनका लागि मञ्च !

मंग्सिर ६, २०७८ सोमबार 24

शालिग्राम नेपाल, चितवन । नेकपा एमालेको दशौं राष्ट्रिय महाधिवेशन उद्घाटन कार्यक्रमको लागि चितवनमा अत्याधुनिक तरिकाले मञ्च निर्माण गरिदैछ । सो मञ्च निर्माणमा मात्रै ५० लाख रुपिँया खर्च गरिने भएको छ । मञ्च व्यवस्थापन तथा स्वयम्सेवक परिचालन समितिका संयोजक विनोद श्रेष्ठले भन्नुभयो ‘हामीले यस पटक अहिलेसम्मकै आकर्षक मञ्च बनाउने तयारी गरेका छौं ।

स्थान मिलाउनेदेखि मञ्च निर्माणसम्म करिब ५० लाख रुपिँया खर्च हँुदैछ। बुटवलमा भएको आठांै महाधिवेशन भन्दा धेरै आकर्शक तरिकाले मञ्च निर्माण गरिदैछ’ श्रेष्ठले भन्नु भयो। एक सय २० फिट लम्वाइ र ६० फिट चौडा भएको मञ्च निर्माण हुनेछ । जसमा चारवटा खण्ड रहनेछन् । मुख्य भागमा स्थायी कमिटी सदस्य, स्वदेशी तथा विदेशी पाहुनाहरु बस्नेछन् । त्यसपछि दायाँ र वायाँ भएको भागमा केन्द्रीय सदस्यहरु बस्नेछन् ।

मञ्चको अगाडि रहेको भागमा कालकारहरुले आफ्नो प्रस्तुति दिने छन् । कम्युनिष्ट पार्टी स्थापना भएको ७२ वर्ष भएकाले एकैपटक ७२ जना कलाका रहरुको आर्केस्ट्रा (धुन दिने उपकरण)बाट राष्ट्रिय गानको धुन बजाइने छ । मञ्च निर्माणमा अहिले ५० जना स्वयं सेवक खटिएका छन् । जमिनको सतह मुख्य मञ्चबाट ४० फिट टाढा सहभागीहरुलाई राखिनेछ । महाधिवेशनको उद्घाटन सत्रमा सहभागी हुनेलाई नारायणी नदीको दुवै किनारमा राखिने भएको छ ।

चितवनतर्फ पर्ने नदीकिनारमा डेढ लाख कार्यकर्तामात्रै सहभागी हुन सक्ने श्रेष्ठले बताउनुभयो । ‘मञ्च निर्माण हुने नदीकिनारमा डेढ लाख अटाउलान् । त्यसो हुनाले सहभागीहरुलाई चितवन र नवलपुर दुवै तर्फको नदीकिनारमा राख्छौँ’, उहाले भन्नुभयो, ‘टाढा बस्ने हरुका लागि डिस्प्ले बोर्ड राख्छौँ। सहभागीहरु आउने–जाने पनि भइरहने हुनाले पाँच लाख जनालाई व्यवस्थापन गर्न सकिन्छ भन्ने विश्वास छ।’ महाधिवेशन स्थल र बजारका मुख्य चोकहरु पुलचोक, लायन्सचोक लगायतका चोकमा गरी २० वटा डिस्प्ले बोर्ड राखिने उहाले बताउनुभयो ।

त्यसबाट सहभागीहरुले बजारबाट पनि लाइभ कार्यक्रम हेर्न सक्नेछ । कार्यक्रमको लाइभ प्रशारण गर्ने व्यवस्था गरिएको छ । दुईवटा ड्रोन क्यामराले खिच्नेछन् । कार्यक्रमलाई थप आकर्षक बनाउनको लागि सेल्फीस्थल र स्थायी संरचना निर्माण गरिनेछ । नदी किना रमा गैंडाको मुर्ती निर्माण गरिने तयारी रहेको छ । त्यो मूर्ति पछिसम्म रहनेगरी निर्माण गर्न लागेको उहाले बताउनुभयो । महाधिवेशनको उद्घाटन सत्र सम्पन्न भएपछि कार्यक्रम स्थलमा हुने फोहोर व्यवस्थापन स्वयं पार्टीले नै गर्ने उहाँले जानकारी दिनुभयो । फोहोर टिप्नका लागि पनि स्वयंसेवक खटाइने भएको छ । गोरखापत्रबाट साभार

प्रतिकृया दिनुहोस्